main content

main content
29/10/201810:10
Logo do congreso.
Pontevedra

A terceira edición do Fórum Ries transforma o concepto de smart cities

A terceira edición do Fórum RIES18, organizado polo Cluster Saúde de Galicia (CSG), reuniu recentemente en Pontevedra a preto de 300 profesionais do sector sociosanitario e da saúde baixo un obxectivo principal: revolucionar o concepto tradicional da smart city e transformalo cara á cidadanía intelixente e non tanto como cidade intelixente. A peonalización, a accesibilidade e como lograr espazos para as persoas de todas as idades foi, así mesmo, outro dos eixos temáticos deste encontro de carácter internacional.
 
Baixo o lema "Cidades intelixentes, saudables e amigables: garantir unha vida sa e promover o benestar en todas as idades", os asistentes debateron sobre a construción dunha comunidade máis saudable, amigable, inclusiva, interxeneracional, viva, humanizada, ecolóxica e global.
 
A cluster manager do CSG, Gisela García, sinalou que Ries18 é un encontro co que "buscamos abordar os retos, oportunidades e avances que se están xerando no ecosistema da saúde. A nivel autonómico, estatal e internacional". O maior reto do foro, explicou, "é analizar o gran impacto que as contornas, espazos e infraestruturas, neste caso das cidades, teñen na mellora da saúde e calidade de vida dos seus habitantes". 
 
Propostas
O Fórum Ries18 incluíu charlas de expertos relacionados coa rede europea de ecosistemas de saúde, á cal pertence o CSG; debates de carácter rexional, nacional e europeo sobre tecnoloxías en materia de saúde; e talleres prácticos ao redor das principais temáticas do encontro: os avances tecnolóxicos na mellora da saúde, mobilidade, tecnoloxía, relacións interxeneracionais, envellecemento activo e outros.
 
Unha das charlas destacadas foi a de Carlos Moreno, investigador da Paris I-Pantheon Sorbonne, que evidenciou a necesidade de cambiar o concepto actual de smart city, unha transformación que pasa, dixo, "por eliminar mobilidades inútiles e innecesarias e potenciar as alternativas que nos permite a tecnoloxía". Para iso, subliñou, é preciso "implicar a todas as administracións, empezando polas municipais ata as estatais".
 
Como a tecnoloxía pode facilitar a vida das persoas, a súa saúde e actividade cotiá, especialmente na vellez, foi outro dos temas principais da mesa "Un ecosistema preparado para a colaboración". Nela expuxéronse, ademais, as últimas innovacións e avances no ámbito social, sanitario, da saúde e a asistencia persoal. Participan DomusviEdesdevTelevés e Obra Social La Caixa con testemuños e resultados dos proxectos destas entidades que se demostraron eficaces na mellora da calidade de vida das persoas.

Blog Xente Dixital

A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas.

4 sinxelos pasos a seguir para crear a túa propia páxina web

Ven 24 Set

A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas. Porén, existen numerosas páxinas e provedores que ofrecen plataformas nas que poderás crear unha páxina...

LER MAIS

3 funcionalidades de Whatsapp que verán a luz proximamente

Mar 21 Set

A aplicación de mensaxería Whatsapp é unha das apps máis utilizadas á hora de comunicarnos: falar cos nosos amigos e familiares, organizar tarefas cos nosos compañeiros de traballo ou establecer citas médicas é moito máis fácil a través desta aplicación. Whatsapp é consciente do nivel de...

LER MAIS

Como utilizar os filtros de Instagram: consellos para o seu uso e como sacarlles proveito

Lun 21 Xuñ

Instragram é a rede social por excelencia: dende os máis mozos ata a xente adulta a utiliza para interactuar cos seus amigos e coñecidos, ver as publicacións dos influencers e famosos ou para facer crecer o seu negocio. O crecemento exponencial da rede nos últimos anos levou a que a app comezara a...

LER MAIS