main content

main content
08/10/201915:10
Presentación da 19ª edición de Xuventude Galicia Net (XGN) R Encounter.
Santiago de Compostela

Preto dun millar de afeccionados e profesionais da informática daranse cita na decimonovena edición de Xuventude Galicia Net R Encounter

  • Celebrarase do 11 ao 13 de outubro no recinto da Feira Internacional de Galicia Abanca
  • A directora xeral de Xuventude destaca que este é un evento de referencia para a mocidade de toda España no que se conxuga a innovación, a formación e o ocio
  • O responsable da Fundación Semana Verde de Galicia destacou que estamos ante a terceira party máis importante de España, cun crecemento de máis dun 12% respecto o ano pasado

 

A directora xeral de Xuventude, Participación e Voluntariado, Cristina Pichel, e o director da Fundación Semana Verde de Galicia, Ricardo Durán, deron a coñecer esta mañá os contidos da 19ª edición de Xuventude Galicia Net (XGN) R Encounter, que reunirá a preto dun millar de afeccionados e profesionais da informática do 11 a 13 de outubro no recinto Feira Internacional de Galicia Abanca. Á presentación desta party informática tamén asistiron o director de Empresas de R e do grupo Euskaltel, Isidro Fernández de la Calle, e o xerente da Fundación Euskaltel, Sabino San Vicente.

A directora de Xuventude, Cristina Pichel salientou que XGN R Encounter se ten consolidado coma unha cita de referencia para a mocidade de dentro e de fóra de comunidade, pois cada ano aumenta o número de participantes, o programa de actividades e a velocidade de conexión, que nesta edición se duplica ata chegar a 20 xigas. Tamén apuntou que o obxectivo é ofrecer un espazo de ocio ao redor da tecnoloxía, os videoxogos e a creación dixital, así como favorecer que a mocidade galega coñeza as opcións de empregabilidade deste sector. Neste sentido, desde este venres e ata o domingo, Galicia será o epicentro das novas tecnoloxías e a informática grazas a este encontro no que se conxunta a innovación, a formación e o ocio.

Pola súa banda, o responsable da Fundación Semana Verde de Galicia destacou que a XGN R Encounter é a terceira party más importante de España e que este ano consegue medrar máis dun 12% respecto o ano pasado, ratificándose como punto de encontro de todos os amantes das novas tecnoloxías e do ocio electrónico.

Espazos para inscritos e visitantes

A XGN R Encounter deste ano vólvese articular nas súas tres zonas habituais: a Intranet, orientada para os inscritos, que poderán acampar no interior do pavillón e participar en actividades exclusivas. A zona Extranet, cun amplo abano de propostas tanto para inscritos como para visitantes que acudan ao recinto; e o espazo expositivo para as empresas relacionadas co material informático, as novas tecnoloxías e o ocio electrónico.

Nas actividades da zona Intranet destacan os concursos de arte dixital nas súas tres vertentes: creación de imaxes, música e programación. Non falta tampouco o hardware, con modificación e personalización de equipos ou as granxas de impresoras 3D. Así mesmo, desenvolveranse competicións para PC e videoconsola.

Entre os contidos da zona aberta para todos aqueles que se acheguen ao recinto cómpre apuntar o programa de conferencias, que abordarán temas como os negocios en internet, a seguridade e a privacidade na rede, os hackers ou as últimas novidades no desenvolvemento de software. Tamén terá lugar unha xornada de empresas organizada por R e obradoiros de robótica e de chovafoam, material para o vestiario de cosplay (actividade consistente en empregar disfraces e accesorios para representar unha idea ou un personaxe dun videoxogo, cine, manga ou comic).

A programación deste ano tamén inclúe outras alterativas de ocio, como xogos de mesa, xadrez, billar, pistas deportivas, zona de consolas, espazos de realidade virtual, campionato de karting, partidos de fútbol burbulla, un rocódromo, unha zona de rol e outra de nerf ou unha exposición de figuras de ciencia ficción.

Blog Xente Dixital

Como aumentar a túa visibilidade en Instagram

Ven 30 Nov

Aínda que as redes sociais naceron orixinariamente para relacionarnos entre nós, é un lugar no que se pode sacar moito rédito empresarial se sabemos como explotalas de maneira adecuada para os nosos intereses. Instagram é unha das redes máis populares na actualidade, polo que estar presente nela é...

LER MAIS

Tres alternativas gratuitas a YouTube para ver contidos orixinais

Mar 06 Nov

Cando falamos de creadores audiovisuais é habitual pensar en directores de cinema ou guionistas que levaron as súas obras a algún gran formato adaptado ao gran público. Pero con Internet o termo de creador audiovisual expandiuse, describindo tamén aos famosos  youtubers, que crean e producen...

LER MAIS

Un tipo de letra para recordar mellor o que les

Mar 09 Out

Ao ler algo que necesitamos memorizar, é habitual que poñamos o “piloto automático” e acabemos lendo todo sen realmente memorizar nada. É algo que ocorre a miúdo cando a lectura é obrigada e a única solución ata agora era poñer máis interese no que estamos a ler. E dicimos ata agora porque un...

LER MAIS