main content

main content

Novas Faite Dixit@l

Queres manterte ao día de todo o que acontece ao teu redor no mundo dixital? Consulta as novidades sobre cursos, actividades, ferramentas, novas aplicacións das TIC, proxectos innovadores...

12/05/201614:34
San Sadurniño - III Carballo Interplay

"Teño unha horta en San Sadurniño" participou no III Carballo Interplay

No proxecto "Teño unha horta en San Sadurniño" tres mulleres de San Sadurniño comparten o coñecemento e a experiencia do traballo no campo. Con móbiles e cámaras fotográficas gravan as labores dunha pequena horta, ensinando trucos e tarefas tradicionais. Ao mesmo tempo, contar coa colaboración e asistencia na gravación de persoas novas, supón un intercambio interxeracional entre os coñecementos en novas tecnoloxías e os traballos tradicionais do campo.

Na primeira temporada realizáronse 11 capítulos nos que participan: na "horta de Consuelo", Consuelo Picos, a filla Ana e a neta Birtukan. Na "horta de Cruz", Cruz Piñón e o fillo Roberto Bouza. Na "horta de Lucita", Lucía Pita e a súa amiga e veciña Antía. Actualmente estamos a preparar a segunda temporada con máis protagonistas.

"Teño unha horta en San Sadurniño" posto en marcha pola Aula Cemit de San Sadurniño, xurde como un dos proxectos piloto na primeira edición do programa CeMIT-Innova de AMTEGA no 2015, que busca o fomento da Innovación Social Dixital en Galicia desde a Rede Cemit.

O proxecto foi seleccionado en abril de 2016 para participar no prestixioso festival internacional de contidos dixitais Carballo Interplay na categoría de "Galiza V.O.". O festival, celebrado do 5 ao 7 de maio, busca explorar as posibilidades de internet como medio para a narración, o humor, a non ficción, cultura dixital, o patrimonio audiovisual ou a performance interactiva, sempre co vídeo como base.

11/05/201600:00
Ourense

Galisenior 2016 celebrarase os días 25 e 26 de maio en Ourense

As xornadas técnicas profesionais da décima edición de Galisenior, Salón Internacional das Persoas Maiores, estarán centradas na análise do concepto de fraxilidade aplicado ás persoas maiores.

As xornadas técnicas profesionais da décima edición de Galisenior, Salón Internacional das Persoas Maiores, estarán centradas na análise do concepto de fraxilidade aplicado ás persoas maiores. Unha temática de actualidade que centra a maior parte dos artigos recolleitos por publicacións de impacto neste sentido a nivel mundial.

Así mesmo, abordaranse outras temáticas como o envellecemento da poboación; recomendacións nutricionais e dietéticas (pautas da Sociedade Española de Nutrición); política social, servizos sociosanitarios e oportunidades empresariais ou de emprendimiento; I+D+i aplicada ao envellecemento saudable e apoios técnicos.

Galisenior ofrece, ademais, unha ampla mostra de produtos deseñados en exclusiva para brindar unha mellor calidade de vida aos maiores, proporcionándolles a oportunidade de intervir activamente na sociedade, fomentando a súa autonomía, independencia e liberdade. Doutra banda, pon en coñecemento de todos os profesionais e das súas familias os servizos de atención que ofrecen entidades públicas e privadas. Con iso, perséguese orientar a este colectivo, abordando entre outras cousas, unha preparación física e psicolóxica que permita gozar dun envellecemento activo e saudable.

Os obxectivos de Galisenior son:

  • Fomentar a colaboración, compromiso e intercambio de experiencias entre profesionais, Administración e outras entidades implicadas en Galicia na atención ás persoas maiores.
  • Crear un foro de intercambio de opinión onde se aborden as últimas tendencias en distintos aspectos que interveñen na atención xeriátrica.
  • Divulgar todos os recursos, servizos e novas tecnoloxías que poden incrementar a calidade de vida dos maiores galegos.
  • Facilitar o acceso das persoas de idade avanzada á información que lles sexa útil para dar resposta ás súas necesidades básicas: asistencia, saúde, apoio social, cultura, etc.
  • Promover a participación dos propios maiores na sociedade actual a través do asociacionismo e o voluntariado, como medios de intervención social.
  • Suscitar neste colectivo unha reflexión sobre o seu propio rol no mundo actual.
  • Impulsar unha imaxe positiva e máis acorde coa realidade actual dos maiores.
10/05/201600:00
Santiago de Compostela - Cidade da Cultura

O 14 de maio volve Rapaciñ@s, a tecnoloxía ben segura

A era dixital abre un mundo de posibilidades que require un bo uso das novas ferramentas por parte das nenas e nenos. Rapaciñ@s vai de normas e límites para un uso seguro de Internet e tamén de valores e oportunidades na esfera dixital.

A era dixital abre un mundo de posibilidades que require un bo uso das novas ferramentas por parte das nenas e nenos. Rapaciñ@s vai de normas e límites para un uso seguro de Internet e tamén de valores e oportunidades na esfera dixital.

Na enquisa feita aos asistentes das xornadas ”Navega con Rumbo polo Ciberespazo”, impulsadas polo CPEIG en máis de 170 centros, en relación á pregunta "Que outros aspectos do campo das novas tecnoloxías cre que serían necesarios abordar en charlas no seu centro?" hai dúas temáticas claramente destacadas: as redes sociais e menores, elixida polo 75,58% dos participantes, e técnicas de control parental, elixida polo 58,72% dos participantes.

Destas preocupacións naceu o ano pasado a iniciativa Rapaciñ@s, unha serie de charlas informativas que volverán a percorrer Galicia da man das colexiadas e colexiados do CPEIG e que arrinca cun gran evento na Cidade da Cultura. Familias e docentes atoparán información e recursos de interese, namentres as nenas e nenos desenvovlen a súa creatividade tecnolóxica a través de obradoiros pensados para que se divirtan e aprendan.

Inicio das xornadas
As xornadas arrincan o 14 de maio na Cidade da Cultura de Galicia. Na parte adicada ás nais e pais analizarase o uso que fan os menores da Internet e dos seus riscos desde diferentes perspectivas, ofrecendo instrumentos de apoio ás familias para evitar riscos.

Será ás 17:30 no Salón 1 do Edificio CINC cando Mar Pereira, directora da Amtega e Fernando Suárez, presidente do CPEIG, dean a benvida e fagan a presentación da xornada. A continuación, ás 17:45, a psicóloga social Dolors Reig dará unha conferencia que leva por título "Internet non é doutro mundo: acompañando aos nosos rapaces na nova contorna dixital".

Obradoiros para nen@s
Desde as 16:30 e ata as 19:30, nos espazos abertos da Cidade da Cultura próximos ao auditorio, haberá actividades relacionadas coas novas tecnoloxías nas que se combinan o aspecto lúdico co didáctico para nenas e nenos de 8 a 14 anos. As empresas encargadas dos obradoiros son Tech Academy e Arkitas Robótica sendo as prazas e horarios dos obradoiros os seguintes:

  • 3 obradoiros de Minecraft (30 prazas): 17:00, 17:45 e 18:30.
  • 2 obradoiros de Scratch (20 prazas): 17:00 e 17:30.
  • 4 obradoiros de Robótica educativa (24 prazas): 17:00, 17:30, 18:00 e 18:30.
  • 1 obradoiro de Robótica (20 prazas): De 17:00 a 19:00.

Os participantes deberán traer un ordenador portátil para a realización dos obradoiros. A inscrición poderá realizarse en https://goo.gl/VRmmjK.

Concurso
Os centros de ensino poden participar tamén en Rapaciñ@s a través do concurso de programación organizado este ano como novidade. Así, grupos mixtos de alumnos de 10 a 14 anos, dirixidos por un docente, deberán desenvolver unha historia en formato story telling sobre o Día das Letras Galegas utilizando a ferramenta scratch. O prazo de inscrición xa está aberto no enderezo info@cpeig.gal e remata o 12 de maio ás 23.00 horas.
Un xurado composto por representantes do CPEIG e da Amtega seleccionará o proxecto gañador e os seus creadores recollerán o galardón, un kit de robótica, ao peche da xornada de Rapaciñ@s, o día 14 de maio.

Máis información
Programa da xornada.
Bases do concurso de programación en Scratch co motivo do Día das Letras Galegas.

09/05/201609:16
Burela - Aula Cemit

Rede CeMIT comeza unha nova andaina en Burela

A aula CeMIT de Burela inicia unha nova andaina neste ano, impartindo 3 novos cursos de Informática.

A aula CeMIT de Burela inicia unha nova andaina neste ano, impartindo 3 novos cursos de Informática.

O xoves 5 de maio iniciarase o curso “Elaboración de presentacións (Nivel Medio)” dirixido a persoas con coñecementos básicos en Informática. Neste curso amosarase a crear presentacións de diapositivas mesturando texto, imaxes, formas e sons. O programa que se empregará para esta fin será o “Impress” incluído no paquete ofimático “LibreOffice”. O curso contará cunha duración de 15horas, impartirase de luns a xoves de 16:00 a 17:30 e rematará o día 24 do mesmo mes.

O segundo curso comezará o venres 6 e finalizará o mércores 18, trátaseda actividade de formación “Correo electrónico: Gmail”, a cal está dirixida a persoas con coñecementos básicos de Internet e nela amosarase a crear unha conta de correo electrónico coa que poder enviar e recibir mensaxes de outras persoas. O curso impartirase ao longo de 12 horas de luns a venres de 10:30 a 12:00 horas.

Por último, o luns 9 dará comezo un curso de “Procesador de Textos” tamén dirixido a persoas con coñecementos básicos de Informática. Con esta actividade amosarase a crear todo tipo de documentos de texto a través do programa libre “Writer” incluído no paquete ofimático “LibreOffice”. Dita actividade impartirase de luns a xoves de 18:30 a 20:00 horas, finalizará o día 23 e súa duración será de 12 horas.

Para inscribirse ou para solicitar máis información sobre as citadas actividades poden dirixirse á Aula CeMIT de Burela sita na Casa da Xuventude – Rúa do Cancelo S/N, a través da páxina web https://cemit.xunta.es/ ou enviando un correo á dirección: cemit.burela@xunta.es

06/05/201600:00
Santiago de Compostela - Cidade da Cultura

Gaiás Gaming 2016

Gaiás Gaming é o primeiro evento solidario relacionado coa tecnoloxía que se vai a celebrar en España. Este evento ten como obxectivo achegar a tecnoloxía á poboación xeral á vez que se axuda aos máis desfavorecidos. É un evento de lecer que nace no 2016 e celebrarase na Cidade da Cultura os días 13, 14 e 15 de maio. Haberá multitude de actividades repartidas entre o tres días e para tódalas idades. Tamén haberá diferentes campionatos, tanto eSports como deportes ao aire libre. Estímase unha asistencia de 3000 persoas.

Blog Xente Dixital

Como aumentar a túa visibilidade en Instagram

Ven 30 Nov

Aínda que as redes sociais naceron orixinariamente para relacionarnos entre nós, é un lugar no que se pode sacar moito rédito empresarial se sabemos como explotalas de maneira adecuada para os nosos intereses. Instagram é unha das redes máis populares na actualidade, polo que estar presente nela é...

LER MAIS

Tres alternativas gratuitas a YouTube para ver contidos orixinais

Mar 06 Nov

Cando falamos de creadores audiovisuais é habitual pensar en directores de cinema ou guionistas que levaron as súas obras a algún gran formato adaptado ao gran público. Pero con Internet o termo de creador audiovisual expandiuse, describindo tamén aos famosos  youtubers, que crean e producen...

LER MAIS

Un tipo de letra para recordar mellor o que les

Mar 09 Out

Ao ler algo que necesitamos memorizar, é habitual que poñamos o “piloto automático” e acabemos lendo todo sen realmente memorizar nada. É algo que ocorre a miúdo cando a lectura é obrigada e a única solución ata agora era poñer máis interese no que estamos a ler. E dicimos ata agora porque un...

LER MAIS