main content

main content

Novas Faite Dixit@l

Queres manterte ao día de todo o que acontece ao teu redor no mundo dixital? Consulta as novidades sobre cursos, actividades, ferramentas, novas aplicacións das TIC, proxectos innovadores...

31/08/201608:44
Casa intelixente da Fundación ONCE
Santiago de Compostela

Unha casa intelixente e accesible percorrerá España este outono da man da Fundación ONCE

A vivienda, de máis de 100 metros cadrados, pretende mostrar que a accesibilidade e a estética non están enfrontadas

Unha casa intelixente, accesible e sustentable percorrerá España durante os próximos meses para demostrar a técnicos profesionais, e á sociedade en xeral, que a accesibilidade é positiva para todos e que, ademais, non está enfrontada co bo gusto.
 
A vivenda, de máis de 100 metros cadrados, é unha iniciativa da Fundación ONCE posta en marcha no marco dun convenio subscrito co Real Padroado sobre Discapacidade, que pretende mostrar aos seus visitantes as posibilidades de construción e dotación de mobiliario nunha casa intelixente, accesible e sustentable, á vez que ofrecer solucións técnicas e tecnolóxicas a problemas de accesibilidade.
 
A este respecto, José Luís Martínez Donoso, director xeral da Fundación ONCE, explicou que o obxectivo da iniciativa é demostrar a técnicos e cidadáns en xeral que a eliminación de barreiras e o deseño para todos son dúas realidades posibles ás que debe tender a sociedade para contribuír á consecución da plena cidadanía de todas as persoas.
 
Partindo desta base, a estancia está pensada para que a visiten profesionais do sector da edificación, escolas de deseño industrial, empresas relacionadas coa construción, o urbanismo, a accesibilidade e a domótica, administracións públicas, asociacións de persoas con discapacidade e sociedade en xeral.
 
Dotada de salón, cociña/comedor, dormitorio, baño e hall de entrada, a casa concibiuse baixo os criterios de confort, adaptación ás necesidades dos seus habitantes, facilidade de uso, seguridade, sustentabilidade e, por suposto, o da estética.
 
Está previsto que a vivenda, aloxada nun tráiler, inicie o seu percorrido a finais do próximo mes de setembro e que visite as distintas comunidades autónomas para demostrar á sociedade que a accesibilidade e o bo gusto son conceptos que poden ir da man.

31/08/201608:39
Gráfico del nivel de estudios de los discapacitados
Santiago de Compostela

Un 11,1% dos mozos con discapacidade carece de formación algunha

Segundo datos do observatorio Odismet, cofinanciado por o FSE

En España hai rexistrados 78.900 mozos con discapacidade, con idades comprendidas entre os 16 e os 24 anos, dos cales un 11,1% non ten formación, fronte aos mozos sen discapacidade, entre os cales a falta de formación é case inexistente, segundo datos de Odismet, o Observatorio sobre Discapacidade e Mercado de Traballo en España da Fundación ONCE. En canto á formación superior, só o 2% dos mozos con discapacidade cursou nela.
 
As razóns que explicarían esta realidade hai que buscalas, por unha banda, no tipo de discapacidade xa que, do total de mozos, o 64,9% (51.200), presentan discapacidade psíquica ou enfermidade mental, que polas súas características dificultan o desenvolvemento de formacións de elevado nivel. Doutra banda, aínda son frecuentes os obstáculos derivados da falta de accesibilidade en centros, transportes, materiais, etc., que limitan o acceso e continuidade do proceso formativo.
 
Eses menores niveis formativos lastran a incorporación dos mozos con discapacidade ao mercado laboral. Os datos indican que, do total de contratos realizados en 2014 a mozos, exclusivamente o 0,43% foron destinados ao colectivo. Así mesmo, do total de contratos realizados en 2014 a persoas con discapacidade, só o 5,83% foron subscritos con mozos.
 
A este contexto, hai que engadir a precariedade das súas condicións laborais xa que, en termos salariais, os mozos con discapacidade reciben menores contías que o resto de persoas con discapacidade, cunha diferenza de máis de 10.000 euros brutos ao ano. Do mesmo xeito, os seus salarios tamén son inferiores aos do resto de mozos da poboación xeral.

En canto á xornada parcial, esta aplícase ao 51,90% dos mozos con discapacidade, dato moi superior ao doutros segmentos e grupos.

31/08/201608:24
Cartel do Curso
Tomiño

Vontade organiza en Tomiño un curso para afianzarnos no uso práctico nas TIC

A Asociación Vontade, centrada na integración de persoas con diversidades funcionais e cognitivas e integrada na Confederación Galega de persoas con Discapacidade (COGAMI), vén de anunciar un curso de alfabetización dixital para o vindeiro mes de setembro. A actividade comezará o 20 de setembro, abordándose temas como Internet, uso do correo electrónico, o manexo da tableta e máis do teléfono intelixente. A Asociación Vontade está emprazada no concello de Tomiño e o seu obxectivo fundamental é fomentar capacidades dos ditos colectivos e loitar pola súa integración social. Neste mesmo ámbito insírese o devandito curso tecnolóxico.

Enmarcada no programa Depo en Marcha que financia a Deputación de Pontevedra, a actividade formativa impartirase os martes e xoves de 10 a 12 horas, cunha previsión de fin a data de 10 de novembro. Está dirixida a persoas coas ditas diversidades e características, aínda que non é excluínte con respecto a outros colectivos. A formación ten un custo de 6 euros por persoa. Para máis información, ou reserva de praza, contactar coa asociación Vontade no teléfono 986 62 30 44 ou a través da seguinte dirección de correo electrónico: tsocial@vontade.org.

30/08/201608:52
Cartel do curso
As Pontes

Os maiores das Pontes poderán iniciarse no manexo de dispositivos móbiles

O Concello das Pontes anunciou a semana pasada a vindeira celebración do curso Aprende a usar o teu teléfono móbil, unha actividade formativa orientada sobre todo ás persoas maiores e que se dirixe a achegar este colectivo ao funcionamento básico e ás principais vantaxes e posibilidades dos nosos dispositivos, facendo fincapé nos coñecidos como smartphones (teléfonos intelixentes). O curso desenvolverase a partir do 5 de setembro na Aula CeMIT das Pontes, emprazada no soto da Casa Dopeso.

Segundo apunta a organización da actividade, ao longo da mesma abordaranse aspectos básicos como gardar contactos na axenda, poñer alarmas, manexo de Whatsapp ou uso da cámara de fotos. O curso terá unha duración de oito días, de luns a venres de 10:00 a 12:00. A inscrición é totalmente gratuíta. Para formalizala, teremos que acudir á Aula CeMIT das Pontes (Rosalía de Castro Nº 28), chamar ó teléfono 637 900 975 ou enviar un correo electrónico a cemit.aspontes@xunta.es.

30/08/201608:41
Cartel Pont-up Store
Santiago de Compostela

Pont Up Store amosaranos como facer unha tenda en liña nun mínimo de tempo

Xa está quecendo motores a terceira edición do encontro Pont-Up Store, prevista para outono e coa arela de converterse no evento galego de referencia en materia de novo emprendemento. Segundo informa a organización (a Universidade de Vigo a través do proxecto CREA S2i en colaboración co Concello de Pontevedra), para esta terceira entrega do evento escolmáronse 36 proxectos (dun total de 115 presentados) para ter presenza na carpa Pont-Up Store que se instalará os días 23 e 24 de setembro na Praza de España de Pontevedra. En canto á procedencia das candidaturas, preto dun 70% teñen base en Galicia. Haberástands para amosar produtos e servizos e un amplo programa de accións de dinamización que incluirá, entre outras cousas, un obradoiro sobre como facer unha tenda en liña nunha hora sen coñecementos previos.

Tamén haberá, ademais, sesións prácticas de pedagoxía Montessori; a montaxe dun coche en equipo; demostracións de robótica; unha gimkana de probas mediante a aplicación DogoPlay App, a presentación da revista infantil Alehop, contacontos, presentación de discos e ata un programa de radio en directo.

Segundo salienta a organización do evento, o seguimento e a participación acadados por esta terceira edición da feira reflicten o éxito da Pont-Up Store, que nesta convocatoria foi quen superar as candidaturas do ano pasado (e mesmo houbo que facer un esforzo para combinar as distintas modalidades de participación e dar o máximo número de oportunidades aos emprendedores). A organización tamén destaca o elevado número de empresas de alicerce tecnolóxica que concorren este ano na carpa de setembro. A idea, sinala a organización, é contribuír a converter Pontevedra nunha cidade innovadora de emprendedoras/es visionarias/os e creativas/os.

O Pont-Up Store concentará este ano a actividade en tres días: unha xornada previa o xoves 22; e o espazo emprendedor instalado baixo a carpa da Praza de España o venres 23 e o sábado 24 de setembro.
 

Máis cousas sobre o programa
As tendencias do ecosistema emprendedor estarán presentes durante todo o encontro a través de sesións de networking gamificado, charlas, obradoiros, unha maratón creativa e un fab lab de impresión 3D e gravado láser onde se xuntarán makers de toda a nosa terra. A organización tamén salienta, entre as grandes novidades desta edición, unha terceira modalidade expositiva. Trátase de Puntazo Exprés, cuxo xermolo está no programa Pontevedra Ten un Puntazo (Concellaría de Promoción da Cidade) e que abrirá o seu prazo de candidaturas entre o 1 e o 15 de setembro ofrecendo 10 novos emprendementos a oportunidade de presentar a súa idea de negocio perante cinco importantes entidades e grandes empresas galegas de diferentes sectores.

Por outro lado e centrándonos no ámbito tecnolóxico, da man da Deputación de Pontevedra (a través do seu asesor TIC, Alberto Falcón) celebrarase o obradoiro Coñece a rede SmartPEME e comeza a comercializar os teus servizos a través das redes sociais.

Blog Xente Dixital

Como aumentar a túa visibilidade en Instagram

Ven 30 Nov

Aínda que as redes sociais naceron orixinariamente para relacionarnos entre nós, é un lugar no que se pode sacar moito rédito empresarial se sabemos como explotalas de maneira adecuada para os nosos intereses. Instagram é unha das redes máis populares na actualidade, polo que estar presente nela é...

LER MAIS

Tres alternativas gratuitas a YouTube para ver contidos orixinais

Mar 06 Nov

Cando falamos de creadores audiovisuais é habitual pensar en directores de cinema ou guionistas que levaron as súas obras a algún gran formato adaptado ao gran público. Pero con Internet o termo de creador audiovisual expandiuse, describindo tamén aos famosos  youtubers, que crean e producen...

LER MAIS

Un tipo de letra para recordar mellor o que les

Mar 09 Out

Ao ler algo que necesitamos memorizar, é habitual que poñamos o “piloto automático” e acabemos lendo todo sen realmente memorizar nada. É algo que ocorre a miúdo cando a lectura é obrigada e a única solución ata agora era poñer máis interese no que estamos a ler. E dicimos ata agora porque un...

LER MAIS