main content

main content

Novas Faite Dixit@l

Queres manterte ao día de todo o que acontece ao teu redor no mundo dixital? Consulta as novidades sobre cursos, actividades, ferramentas, novas aplicacións das TIC, proxectos innovadores...

21/04/201600:00
Santiago de Compostela - Xunta

O Plan de Inclusión Dixital de Galicia 2020, dotado con 7M€, impulsará medidas no ámbito da alfabetización e da capacitación dixital e da innovación social dixital e participativa

O vicepresidente da Xunta afirma que o acordo aprobado hoxe polo Consello pretende seguir mellorando as cifras de acceso a internet e seguir potenciando todas as posibilidades que ofrecen a Galicia as novas tecnoloxías.

O vicepresidente da Xunta, Alfonso Rueda, avanzou hoxe que a aprobación, por parte do Consello, do Plan de Inclusión Dixital de Galicia 2020, dotado con 7 millóns de euros, que impulsará medias en tres eixos: no ámbito da alfabetización dixital, da capacitación dixital e da innovación social e participativa.

Segundo indicou Rueda, hai dous parámetros que ofrecen unha boa visión de conxunto sobre os avances no acceso universal ás tecnoloxías: a porcentaxe de galegos que non empregan nunca internet, que pasou dun 42% en 2010 a un 25,4% en 2016; e a porcentaxe de galegos que emprega internet habitualmente, que pasou dun 48% a un 67%.

Nesta liña, o vicepresidente da Xunta subliñou que o acordo aprobado hoxe o que pretende é seguir mellorando estas cifras de acceso e seguir potenciando todas as posibilidades que ofrecen a Galicia as novas tecnoloxías.

As medidas que contempla o Plan de Inclusión Dixital Galicia 2020
Así, no eido da alfabetización dixital, o plan busca dotar a cidadanía de coñecementos dixitais básicos. Nesta liña vanse realizar, entre outras accións, xornadas sobre os riscos e o uso responsable de Internet; sesións demostradoras para achegar o uso de dispositivos móbiles aos maiores; xornadas intexeneracionais entre persoas maiores e novas; así como o reforzo e confianza da rede a través de sesións informativas a rapaces e rapazas.

No ámbito da capacitación dixital, o obxectivo do plan será apoiar a madurez dixital daqueles cidadáns que xa tiveron contacto coas TIC. Así, impartirase un programa formativo avanzado sobre usos cotiáns de Internet: banca electrónica, compra online, trámites coa Administración... E tamén se levarán a cabo accións formativas para a obtención da certificación galega en competencias dixitais en ofimática, e a súa adaptación ás persoas con discapacidade.

Do mesmo xeito, contémplase o deseño e impartición de itinerarios formativos centrados na busca de emprego, elaboración do currículo, etc, así como a realización de xornadas temáticas sobre as oportunidades de emprego que ofrece o sector TIC e demanda de novos perfís e profesións da era dixital.

No que atinxe ao terceiro eixo, o da innovación social dixital e participativa, promoverase o potencial das TIC como motor da mellora da sociedade. Para avanzar neste sentido: fomentarase a adquisición das habilidades necesarias para participar activamente nos procesos de innovación social dixital e elaborarase un mapa de innovación social dixital co fin de dar a coñecer as iniciativas de innovación social baseadas nas TIC.

O obxectivo: achegar as novas tecnoloxías aos galegos
Nesta liña, o vicepresidente da Xunta indicou que se tecerá unha rede de alianzas dixitais coas entidades locais e a Fegamp, os colexios profesionais, as universidades, empresas, entidades do terceiro sector e os voluntarios dixitais para impulsar estas medidas.

En definitiva, trátase de darlle un novo impulso a unha rede que servirá para que Xunta, concellos e cidadáns avancen conxuntamente nun obxectivo fundamental: seguir achegando as novas tecnoloxías aos galegos e seguir impulsando a utilización responsable das novas oportunidades para aqueles que xa estean máis familiarizados.

Como destacou o vicepresidente da Xunta, trátase de fomentar as novas tecnoloxías e acadar que o acceso a Internet sexa equitativo e reducir a fenda dixital, de xeito que o lugar de residencia, a idade ou o nivel de estudos non supoñan un obstáculo.

11/03/201609:36
Santiago de Compostela - Cidade da Cultura

Galicia será a sede do XV encontro estatal de telecentros, que se celebra o 15 de marzo na Cidade da Cultura

A directora da Axencia para a Modernización Tecnolóxica de Galicia (Amtega), Mar Pereira, inaugurará o vindeiro martes 15 en Santiago o XV Encontro Nacional de Telecentros, que se celebra baixo o lema “Impulsando a túa capacitación dixital”.

A directora da Axencia para a Modernización Tecnolóxica de Galicia (Amtega), Mar Pereira, inaugurará o vindeiro martes 15 en Santiago o XV Encontro Nacional de Telecentros, que se celebra baixo o lema “Impulsando a túa capacitación dixital”. A iniciativa, organizada pola Asociación Nacional de Redes de Telecentros en colaboración co Amtega, ten como obxectivo coñecer as principais accións estratéxicas das Redes de aulas para a formación dixital e potenciar a súa posición como recurso chave mellorar as competencias dixitais para a empregabilidade e impulsar a innovación social Dixital.

No encontro participan máis de 100 profesionais relacionados co desenvolvemento da Tecnoloxía da información, industrias do sector, organismos públicos e privados de Galicia, España e Europa, e innovadores, usuarios, e comunidades locais do ámbito local das aulas CeMIT. galega. A inscrición é de balde e poderá efectuarse a través do seguinte enlace da web da Rede CeMIT.

A directora da Axencia para a Modernización Tecnolóxica de Galicia (Amtega), Mar Pereira, inaugurará o vindeiro martes 15 en Santiago o XV Encontro Nacional de Telecentros, que se celebra baixo o lema “Impulsando a túa capacitación dixital”.

A iniciativa, organizada pola Asociación Nacional de Redes de Telecentros en colaboración co Amtega, ten como obxectivo coñecer as principais accións estratéxicas das Redes de aulas para a formación dixital e potenciar a súa posición como recurso chave mellorar as competencias dixitais para a empregabilidade e impulsar a innovación social Dixital.

No encontro participan máis de 100 profesionais relacionados co desenvolvemento da Tecnoloxía da información, industrias do sector, organismos públicos e privados de Galicia, España e Europa, e innovadores, usuarios, e comunidades locais do ámbito local das aulas CeMIT. galega. A inscrición é de balde e poderá efectuarse a través do seguinte enlace da web da Rede CeMIT.

O evento retransmitirase por emisión por streaming en http://comunidaddetelecentros.net/directo/ e poderá seguirse en twitter co hashtag #15encuentro e #telecentros.

Programa
Durante a xornada, Ver programa e Ver díptico programa, celebraranse catro mesas de debate. Na primeira abordarase a a acreditación de competencias dixitais, expoñendo a experiencia galega do CODIX (Certificación de Competencias Dixitais en Ofimática),xunto co modelo andaluz de formación en competencias dixitais, Guadalinfo. Esta mesa pecharase coñecendo o papel e as iniciativas de Telecentre Europe sobre este tema e o seu posicionamento con respecto ao informe europeo DIGCOMP, o marco común para o desenvolvemento de competencias dixitais en Europa.

Na segunda das mesas analizarse o programa europeo de fomento da empregabilidade, FIT4jobs, que quere reorientar a traxectoria formativa dos e as mozas cara ao ámbito TIC para dar resposta á demanda actual e futura e mellorar as súas oportunidades laborais. Nesta segunda mesa, a directora de Formación de Fundación Tecnoloxías da Información de AMETIC falará tamén sobre os “Os perfís profesionais da transformación dixital.”

A terceira das mesas debate abordará proxectos de innovación social dixital como CeMIT-innova, impulsada pola Amtega en 2015 e que conseguiu desenvolver 9 iniciativas de innovación social dixital en 9 aulas da Rede CeMIT;O proxecto O cable amarelo, para a construción dun ecosistema innovador da rede de aulas da rexión de Murcia e a experiencia de deseño e implantación de living labs, promovida pola Rede de Espazos CyLDIGITAL de Castela e León.

O programa do encontro complétase co Taller práctico: “Transformando Ideas… para mellorar a nosa contorna local. DesignThinking para a Innovación social dixital nas redes de telecentros”, onde se verán os resultados dos pilotos que xa se executaron na I Edición CeMIT-Innova 2015

Unha vez máis o encontro das redes de telecentros terá un formato de workshop aberto, participativo e que poderá seguirse en twitter cos hashtag #15Encuentro e #Telecentros, vía streaming e que recollerá todas as achegas no storify da comunidade de telecentros https://storify.com/comunidadtc na web da get online week.

Organizadores
Os impulsores deste XV Encontro no que colabora a Amtega son Asociación Comunidad de Redes de Telecentros e Telecentre Europe. A Asociación, constituída no ano 2008, é unha entidade sen ánimo de lucro que agrupa a 12 institucións publicas de 10 Comunidades Autonómicas que traballan na creación, dinamización e mantemento de espazos públicos destinados ao fomento da Sociedade da Información, en España mediante a promoción do acceso da cidadanía ás tecnoloxías da información e a comunicación (TIC).

Telecentre Europe é unha organización sen ánimo de lucro con sede en Bruxelas. Actualmente os membros da rede representan a máis de 50 organizacións membros en 32 países. Os membros e socios da rede teñen como obxectivo, mellorar a inclusión dixital europea e o sector da cultura dixital, integrando a todas as asociacións e redes non gobernamentais que traballan pola inclusión dixital na UE.

 

19/02/201600:00
Fisterra - Aula CeMIT

Gran oferta de actividades gratuitas relacionadas con los dispositivos móviles en el aula CeMIT de Fisterra

A vindeira semana darán comezo na aula CeMIT de Fisterra unha serie de actividades centradas todas elas no manexo e aproveitamento do Smartphone ou Tablet, así como consellos sobre un uso seguro dos mesmos. Cada día tratarase en profundidade unha temática diferente, resultando o calendario do seguinte xeito:

 

  • Martes 23 de febreiro, de 10:30 a 13:30, “Whatsapp e Skype: comunícate a través de internet”.
  • Mércores 24 de febreiro, de 10:30 a 13:30, "Trámites online: compras por Internet, pagos seguros e moito máis".
  • Xoves 25 de febreiro, de 10:30 a 13:30, “Redes sociais: facebook, twitter...”
  • Martes 1 de marzo, de 10:30 a 13:30, "Fotografía e vídeo dixital: edición e uso de aplicacións"
  • Mércores 2 de marzo, de 10:00 a 13:30, “Seguridade en Internet: precaucións e consellos nos dispositivos móbiles”.
  • Xoves 3 de marzo, de 10:30 a 13:30, “Viaxes e cultura: o teu smartphone, a túa mellor guía”.
  • Venres 4 de marzo, de 10:30 a 13:30, “A E-dministración: cita médica e máis trámites de forma autónoma a través de internet”.

As sesións, eminentemente prácticas e demostrativas, están dirixidas principalmente ás persoas maiores de 45 anos, ou a aquelas que teñen máis recelo no uso dos dispositivos móbiles, aínda que é aberta a tódolos públicos. O único requisito para asistir, son as ganas de aprender.

Ditos seminarios enmárcanse nun proxecto organizado por Fegaus en colaboración coa Fundación Vodafone España denominado Ágora Tecnología. O seu obxectivo é achegar ao colectivo sénior o uso das novas tecnologías. A metodoloxía que se empregará na aula será a videoconferencia, posto que o/a relator/a se atopará fisicamente cada un dos días nun campus universitario da xeografía galega.

Anteriormente na aula xa vimos de colaborar coa Fundación Vodafone, quen nos enviou 12 smartphones para o seu uso durante as clases, actividade moi populosa e con moita demanda entre os fisterráns.

Así que... se tes un smarpthone ou curiosidade por saber qué se pode facer coel... non o dubides e inscríbete!

Información e inscricións na Aula CeMIT de Fisterra, no correo cemit.fisterra@xunta.es ou no teléfono 673081740.

28/01/201600:00
Fisterra - Aula CeMIT

Os/as maiores de Fisterra súmanse á moda dos smartphones

Remata no día de hoxe o primeiro ciclo de actividades do ano destinada ao manexo básico dos novos teléfonos móbiles, os smartphones. E semella que non vai ser a última, dada a ampla participación do colectivo dos maiores na actividade. Foron 3 os grupos que se precisaron para dar cabida ás persoas interesadas en coñecer e manexar os smartphones. Aínda que algún dos participantes xa dispón de móbil de seu, nesta ocasión fixeron uso diariamente dun dos 12 teléfonos que a Fundación Vodafone puxo á súa disposición durante 2 semanas.

Encargouse de poñer punto final á actividade a Escola Galega de Consumo, quen advertiu dos dereitos e deberes como usuarios/as de telefonía móbil, os erros máis frecuentes e as reclamacións posibles.

Despois destas dúas semanas de intenso traballo pero tamén satisfacción pola ampla participación e ganas de aprender, así como de interese suscitada ao longo destes días en máis público da zona, quedan garantizadas futuras actividades deste tipo ao longo do ano actual.

27/01/201600:00
Online

Nova convocatoria do curso de preparación por teleformación para a obtención do CODIX.- Aberto prazo de inscrición dende o xoves 28 de xaneiro

A Axencia para a Modernización Tecnolóxica de Galicia (Amtega) abre mañá xoves 28 de xaneiro o prazo de inscrición para a obtención da certificación galega de competencias dixitais en ofimática.

A Axencia para a Modernización Tecnolóxica de Galicia (Amtega) abre mañá xoves 28 de xaneiro o prazo de inscrición para a obtención da certificación galega de competencias dixitais en ofimática. Así se recolle na convocatoria publicada hoxe no DOG, con 180 prazas para o curso preparatorio previo ao exame presencial que terá lugar a mediados do mes de xuño.

Para acceder a este curso os únicos requisitos necesarios son ser maior de 16 anos, estar dado de alta como usuarios da rede CeMIT e abonar a taxa correspondente aos dereitos de exame. O curso de preparación impártese na modalidade de teleformación con titorías de apoio, polo que soamente será necesario contar cun ordenador persoal e conexión a internet para seguir a formación dende calquera lugar e en calquera momento.

O prazo de inscrición será de cinco días naturais a partir do seguinte da publicación da convocatoria no DOG, é dicir, dende o xoves 28 de xaneiro. Unha vez finalizado o prazo de inscrición, (o luns 1 de febreiro ás 14:00 horas) publicarase a relación provisional de persoas admitidas na páxina web da rede CeMIT así como un número adecuado de reservas, unha vez realizado o sorteo público de extración das letras dos apelidos para a establecer a prelación por orde alfabética. As persoas admitidas deberán aboar no prazo de cinco días naturais desde a data da súa publicación a taxa de 10 euros correspondente aos dereitos de exame, sendo excluídos aqueles aspirantes que non aboen a citada taxa.

Plan Formativo Ofimático de Galicia

Durante as 12 semanas de duración deste curso, as persoas matriculadas formaranse nos contidos que compoñen o Plan Formativo Ofimático de Galicia, composto actualmente polas cinco unidades nas que se estrutura o módulo formativo MF0233_2 «Ofimática» (190 horas) do Repertorio Nacional de certificados de profesionalidade:

• Sistema operativo, busca da información: internet/intranet e correo electrónico (30 horas)

• Aplicacións informáticas de bases de datos relacionais. LibreOffice Base (50 horas)

• Aplicacións informáticas para presentacións: gráficas de información. LibreOffice Impress (30 horas)

• Aplicacións informáticas de tratamento de textos. LibreOffice Writer. (30 horas)

• Aplicacións informáticas de follas de cálculo. LibreOffice Calc (50 horas)

 

Próximas convocatorias de exames presenciais

Esta convocatoria forma parte do Plan de Formación da rede CeMIT para este ano 2016, que terá a súa continuación cun novo curso de teleformación titorizada previsto para o segundo semestre (no mes de setembro).

Ademais destes cursos preparatorios, realizaranse ao longo deste ano dúas novas convocatorias de exames presenciais en marzo e outubro para aqueles cidadáns que xa posúan os coñecementos necesarios ou que opten pola modalidade autoformativa, ata chegar a un total de 1.000 prazas dispoñibles para que a cidadanía poida acreditar as capacidades, destrezas e coñecementos en ofimática definidos no dito plan.

Dende a habilitación da rede CeMIT para a formación e avaliación dos contidos formativos do CODIX en maio de 2014, foron mais de 800 as prazas convocadas en cursos de teleformación titorizada e de 1.600 as persoas que se someteron á avaliación dos seus contidos nas diferentes edicións das probas presenciais convocadas e que se realizaron en diversas aulas da rede CeMIT.

Solicitude de inscrición

Blog Xente Dixital

Como aumentar a túa visibilidade en Instagram

Ven 30 Nov

Aínda que as redes sociais naceron orixinariamente para relacionarnos entre nós, é un lugar no que se pode sacar moito rédito empresarial se sabemos como explotalas de maneira adecuada para os nosos intereses. Instagram é unha das redes máis populares na actualidade, polo que estar presente nela é...

LER MAIS

Tres alternativas gratuitas a YouTube para ver contidos orixinais

Mar 06 Nov

Cando falamos de creadores audiovisuais é habitual pensar en directores de cinema ou guionistas que levaron as súas obras a algún gran formato adaptado ao gran público. Pero con Internet o termo de creador audiovisual expandiuse, describindo tamén aos famosos  youtubers, que crean e producen...

LER MAIS

Un tipo de letra para recordar mellor o que les

Mar 09 Out

Ao ler algo que necesitamos memorizar, é habitual que poñamos o “piloto automático” e acabemos lendo todo sen realmente memorizar nada. É algo que ocorre a miúdo cando a lectura é obrigada e a única solución ata agora era poñer máis interese no que estamos a ler. E dicimos ata agora porque un...

LER MAIS