main content

main content

Novas Faite Dixit@l

Queres manterte ao día de todo o que acontece ao teu redor no mundo dixital? Consulta as novidades sobre cursos, actividades, ferramentas, novas aplicacións das TIC, proxectos innovadores...

23/10/201911:15
Cartel do evento.
Málaga

O Congreso da Fundación ONCE alberga unha exhibición de videoxogos inclusivos

O "Congreso Internacional de Tecnoloxía e Turismo para a Diversidade" organizado pola Fundación ONCE, que se celebra desde hoxe 23 de outubro e ata o venres 25 en Málaga no Palacio de Feiras e Congresos, albergará unha exhibición de videoxogos inclusivos.

Videoxogos inclusivos no Congreso de Tecnoloxía e Turismo

demostración de videoxogos inclusivos terá lugar hoxe, 23 de outubro, ás 17.30 horas, na Sala 3, e contará coa participación de Enrique García, técnico da dirección de Accesibilidade Universal e Innovación da Fundación ONCE. Na sesión xogará xunto con Ely Shuri e outras dúas persoas con discapacidade unhas partidas ao videoxogo Fornite, co obxectivo de demostrar a inclusión do colectivo neste sector. Tamén está prevista a asistencia dos youtubers BMG e Nia Cosplay.

Os asistentes poderán gozar dunha partida ao famoso juego de Fornite xunto a "gamers" con e sen discapacidade. A xornada concluirá co sorteo entre as persoas rexistradas dunha XBOX ONE X e algunhas copias do videoxogo FIFA 20 e Anthem para calquera plataforma.

Esta sesión de videoxogos inclusivos está patrocinada por EVAD formación, o maior centro de Andalucía dedicado en exclusiva á formación en videoxogos, unha nova escola cunha ampla oferta formativa para todas as idades e niveis: desde talleres e cursos introductorios ata másteres ou cursos de expertos.

Hoxe, 23 de outubro, ás 11.30 horas, terá lugar tamén unha mesa redonda que abordará a necesidade de apostar por un lecer accesible para todos.

Contará coa presenza de Pablo Pérez, analista de normativa e certificación accesibilidade de Electronics Arts (EA)José María Moreno, director xeral da Asociación Española de Videoxogos (AEVI); Juan Augado, investigador da Universidade de Alcalá de Henares, e Carlos de la Iglesia, director de Comunicación e Desenvolvemento Corporativo de Microsoft España.

Nela os participantes analizarán os retos e oportunidades que os videoxogos inclusivos supoñen para as persoas con discapacidade e para a propia industria.

Ademais, nos tres días de Congreso en Málaga os asistentes poderán coñecer da man de Microsoft o mando XBOX Adaptive Controller, que permite usar a consola XBOX a persoas con problemas de mobilidade nos membros superiores. Igualmente, persoas con discapacidade visual demostrarán como é posible xogar ao Lanza Machadas VR grazas a unhas lentes de realidade virtual.

Congreso de Tecnoloxía e Turismo

Por segundo ano consecutivo, o Congreso Internacional de Tecnoloxía e Turismo para a Diversidade, organizado pola Fundación ONCE, terá lugar no Palacio de Feiras e Congresos da capital malagueña. Nesta terceira edición mostrará como a tecnoloxía, os destinos turísticos intelixentes, os produtos e servizos melloran a vida de todas as persoas.

O Congreso estará aberto a propostas relacionadas coas Tecnoloxías e Servizos de Acceso á Información e a Comunicación, a interacción persoa máquina, o fogar dixital e a vida independente, a robótica para a autonomía persoal, as "smart city", a realidade aumentada, o turismo para todas as persoas, a accesibilidade nos seus distintos aspectos e as regulacións e normas relativas ao turismo.

Expón unha gran diversidade de temas, materias e proxectos de toda índole no campo da tecnoloxía e o turismo para favorecer a integración e inclusión das persoas con discapacidade.

O seu obxectivo é mostrar o que a tecnoloxía, os destinos turísticos intelixentes, os produtos ou servizos poden facer polas persoas. "As persoas, os dereitos, a innovación e os produtos e servizos que se ofrecen son elementos que se deben ter en conta neste século XXI para poder atender as necesidades individuais dentro dunha oferta global".

Máis información sobre TTD-Congress 2019.

23/10/201908:28
Presentación da nova tempada de Coruña Dixital.
A Coruña

Coruña Dixital pon un extra de achegamento á cidadanía na súa nova tempada

Coruña Dixital, a fronte común do Concello e as comunidades locais tecnolóxico-argalleiras, vai ter corda para rato. Hoxe presentouse a nova tempada da iniciativa, un máis que completo programa de actividades para a formación dixital da cidadanía, o impulso da tecnoloxía libre e o intercambio real, activo e dinámico de coñecemento TIC. A nova tempada foi dada a coñecer polo edil de Cultura, Jesús Celemín, quen lembrou outro dos obxectivos fundamentais de Coruña Dixital: mostrar ante o mundo as intensamente activas comunidades dixitais da Coruña e impulsar o seu importante labor. A nova tempada, dixo, vén marcada pola vontade de lle aproximar dun xeito máis profundo a cultura dixital á cidadanía.

Celemín, que compareceu acompañado do coordinador da iniciativa, Sergio Lago, fixo fincapé na vertente formativa do programa (que será fortalecida nesta nova edición, poñendo o foco na xente que se está a iniciar nas novas tecnoloxías). Segundo fixo saber, esta vontade de educar dixitalmente materializarse en boa medida a través das redes sociais e a web do proxecto (corunadixital.gal), que “facilitarán o acceso á información actualizada sobre a crecente actividade dixital da cidade”.

Como novidade, informou da incorporación de todos os recursos locais dispoñibles para a "iniciación e o uso seguro da tecnoloxía", especialmente dirixidos aos colectivos de maiores, familias e mocidade. Coruña Dixital tamén avanza “na colaboración co tecido innovador da cidade”, recordaron, engadindo que este outono o proxecto está a apoiar varios encontros de divulgación e de cultura dixital, “todos eles co nexo común de vir impulsados por colectivos e entidades que, baixo unha filosofía colaborativa e aberta, traballan durante todo o ano na divulgación do coñecemento TIC”. 

Estes son os encontros en cuestión: 

  • AtlánticaConf, un novo congreso de divulgación tecnolóxica impulsado polo amplo tecido de comunidades de profesionais TIC da cidade, co apoio de empresas innovadoras e da Universidade da Coruña. 
  • A 8.ª edición da Feira de Tecnoloxías Libres OSHWDem que, organizado polo colectivo Bricolabs, a Domus acollerá o vindeiro 9 de novembro. Trátase do evento de referencia para o mundo argalleiro (maker) da cidade e pioneiro en Galicia.
  • O 6.º congreso TADEGa, no que a cidade acollerá o 22 e 23 de novembro un foro de referencia de profesionais da educación, co foco na tecnoloxía e a atención á diversidade.

Nova edición do #LAIC

Xa en decembro, será a quenda da innovación audiovisual coa reactivación do #LAIC, o Laboratorio Audiovisual de Innovación e Creación: un ciclo de encontros formativos para persoas interesadas na cultura audiovisual contemporánea, os novos medios e a transformación dixital. Segundo fixeron saber Celemín e Lago, esta nova edición xirará arredor da creación dixital transmedia; é dicir, “historias que se expanden en múltiples dispositivos e formatos, cunha participación activa dos públicos”. Trátase, dixeron, “dunha área que está a vivir un momento de crecemento e chegada ao gran público a través das grandes series de plataformas dixitais, pero da que tamén coñeceremos a súa aplicación en proxectos culturais, educativos e sociais”.

O comisario do programa, o xestor cultural Sergio Lago, explicou que o #LAIC deste ano “estará moito máis vinculado á creación dixital transmedia e traballará coa comunidade técnica da cidade adicada á creación audiovisual, á programación informática e aos novos escenarios de realidade virtual, xa que temos grandes referencias na cidade neste ámbito”.

A mediados de decembro o #LAIC desenvolverá unha primeira sesión panorámica sobre esta temática, para retomar, dende a volta do Nadal e ata finais de marzo, a súa actividade con sesións semanais no Centro Ágora. Lago e Celemín recordaron que dende as redes de Coruña Dixital anunciaranse de maneira gradual cada unha das citas e abrirase a inscrición nas charlas e talleres do #LAIC que, como todas as actividades do programa, serán de balde.

23/10/201908:22
Cartel do evento.
Santiago de Compostela

Eloy Velasco e Moisés Barrio intervirán este mércores en Iuristicgal19

A Cidade da Cultura acolle este mércores un dos grandes eventos tecnolóxicos da tempada: grande pola bagaxe que ten detrás, polos relatores de primeira cos que adoita contar (e esta edición de 2019 non é unha excepción) e grande porque estende a temática das novas tecnoloxías ao amplo e sempre interesante horizonte da xustiza e o dereito. Estamos a falar da novena Xornada de Informática Xudicial, Iuristicgal19, que celebra o Colexio Profesional de Enxeñaría Técnica en Informática de Galicia (CPETIG) en colaboración coa axencia AMTEGA. Desta volta, desenvólvese baixo o lema Intelixencia Artificial e Xustiza.

Intervirán, entre outros, Eloy Velasco, maxistrado da Sala de Apelación da Audiencia Nacional, e Moisés Barrio, letrado do Consello de Estado e autor do libro Dereito dos robots.

A xornada terá lugar no edificio CINC da Cidade da Cultura e será inaugurada ás 10h pola directora da AMTEGA, Mar Pereira, acompañada polo presidente do CPETIG, Marcos Mata. A edición deste ano ten carácter condensado e desenvolverase en horario de mañá. Na sesión daranse cita máis dun cento de participantes, maioritariamente profesionais da xustiza, maxistrados, secretarios xudiciais, fiscais, avogados e peritos informáticos, co obxectivo de coñecer o alcance e as posibilidades da intelixencia artificial aplicada ao ámbito da xustiza. Neste contexto, Moisés Barrio presentará o relatorio A intelixencia artificial ante o Dereito e Eloy Velasco intervirá sobre Evolución da proba electrónica no ámbito xudicial: o presente e as perspectivas de futuro. Segundo informa o CPETIG, o programa da xornada completarase cunha mesa redonda sobre As vantaxes e os perigos das novas ferramentas tecnolóxicas para a defensa dos nosos dereitos, moderada por Víctor Salgado, director técnico de Iuristicgal19.

Oportunidade

Segundo informa o Colexio Profesional de Enxeñaría Técnica en Informática de Galicia, a novena edición de Iuristicgal será unha oportunidade para actualizar os nosos coñecementos sobre o cada vez máis rico e complexo escenario onde conflúen novas tecnoloxías, dereito e investigación policial. “Considerando a complexidade técnica e casuística destas tecnoloxías así como a innovadora lexislación aplicable, a xornada pretende dar resposta á necesidade de formación dos profesionais da xustiza, profesionais forenses e xuristas en xeral”, sinala o CPETIG, engadindo que un dos grandes piares do encontro é “favorecer que se coñeza esta lexislación e a nova realidade tecnolóxica que a orixina, así como as novas ferramentas dispoñibles para interpretala correctamente e aplicala ao caso concreto”.

23/10/201908:10
Duplicado virtual dun barco.
Santiago de Compostela

A Amtega e a AETG organizan a conferencia “Xemelgos Dixitais e o reto dos Buques Intelixentes”

  • Será impartida o 28 de outubro na Cidade da Cultura polos enxeñeiros e Directores de Navantia, Donato Martínez Pérez de Rojas, Juan Ignacio Silvera Vez e Carlos Blanco Seijo
  • O evento está dirixido tanto ao sector tecnolóxicos como ao resto de sectores e, por suposto, á cidadanía en xeral e ás administracións públicas

A Axencia para a Modernización Tecnolóxica de Galicia (Amtega) e a Asociación de Enxeñeiros de Telecomunicación de Galicia (AETG) organizan o 28 de outubro a conferencia “Xemelgos Dixitais e o reto dos buques intelixentes”, que forma parte do programa de transferencia de coñecemento sobre novas tendencias tecnolóxicas do convenio firmado ente Amtega e AETG.

A charla será no Auditorio Xosé Neira Vilas da Cidade da Cultura (ás 11:15h) e impartirana os enxeñeiros e Directores de Navantia, Donato Martínez Pérez de Rojas, Juan Ignacio Silvera Vez e Carlos Blanco Seijo

No evento presentarase unha visión xeral do plan de transformación que dará lugar ao Xemelgo Dixital no entorno da construción naval, abordarán os retos e oportunidades desta tecnoloxía e a súa implicación no ecosistema naval e marítimo, finalizando cunha exposición dun caso de aplicación nos futuros buques da Armada Española.

Destinatarios e inscricións

A xornada está dirixida tanto ao sector TIC como ao resto de sectores e, por suposto, á cidadanía en xeral e ás administracións públicas

As persoas interesadas deberán confirmar a súa asistencia enviando un correo a comunicacion@aetg.gal

Servizo de asesoramento a concellos 

Esta conferencia nace como unha iniciativa da Oficina de Concellos xestionada pola AETG no marco do convenio firmado coa Amtega.

A Oficina de Concellos ofrece un servizo de asesoramento e soporte especializado sobre normativa e solucións técnicas para o despregamento de infraestruturas de telecomunicación. Calquera concello que precise de axuda neste ámbito pode chamar ao teléfono 981 91 35 76 en horario de luns a venres de 9:00 a 14:00h ou ben enviar a súa consulta ao enderezo de correo electrónico oficinaconcellos@aetg.gal.

22/10/201908:45
Cartel do evento.
Málaga

A Fundación ONCE aborda o impacto das novas tecnoloxías no turismo e a cultura

  • No Congreso de Tecnoloxía e Turismo que se celebra en Málaga do 23 ao 25 de outubro.

O Congreso Internacional de Tecnoloxía e Turismo para a Diversidade da Fundación ONCE abordará o impacto que ten o uso das novas tecnoloxías no turismo e a cultura.

O encontro, que se celebra do 23 ao 25 de outubro no Palacio de Feiras e Congresos de Málaga, acollerá o mércores, 23 de outubro, ás 15.30 horas, unha mesa redonda que mostrará como a tecnoloxía favorece o acceso ao turismo e á cultura a todas as persoas.

Moderada por Yolanda de la Fuente, catedrática da área de Traballo Social e Servizos Sociais da Universidade de Xaén, a mesa contará coa asistencia de Ana Clara RucciGonzalo Martín e Natalia Gladysz.

Ana Clara Rucci é licenciada en Turismo e magister en Integración Latinoamericana pola Universidade Nacional da Prata (Arxentina). Presentará "HuVi", unha aplicación móbil de realidade virtual sobre turismo nos Sitios Patrimonio da Humanidade de Arxentina.

Pola súa banda, Gonzalo Martín, investigador, redactor, deseñador gráfico e community manager no Centro Español do Subtitulado e a Audiodescripción (CESyA,) dará a coñecer "A axenda cultural accesible e o fomento da inclusión das persoas con discapacidade sensorial na cultura".

Por último, Natalia Gladysz, CEO de Language Carrier, expoñerá o uso de tecnoloxía cara a un teatro accesible sen barreiras lingüísticas nin sensoriais.

Ademais, o xoves 24 de outubro, ás 15.30 horas, o Congreso de Tecnoloxía e Turismo da Fundación ONCE abordará a accesibilidade en contidos culturais nunha mesa moderada por Pilar Soret, directora comercial de ILUNION Tecnoloxía e Accesibilidade.

Contará coa participación de Cristina Álvarez e Silvia Martínez, profesoras da Universidade de Granada. Presentarán o proxecto "Patrimonio natural accesible para persoas con discapacidade auditiva: Signoguía da Cova das Xanelas de Píñar".

Tamén está prevista a asistencia de Marta García, responsable de contidos e comunicación en GVAM (Experiencias Guiadas a Medida para Museos e Cidades a través dos Dispositivos Móbiles). GUÍAS INTERACTIVAS, quen expoñerá "Audioguías interactivas accesibles para cada visitante".

O foro de debate concluirá cun taller que conta coa presenza de Marta Tabernero, Felipe Milano, Alberto Ruiz e José Alberto Simón, que darán a coñecer os proxectos desenvoltos por catro empresas do Polo de Contidos Dixitais de Málaga para achegar os contidos museísticos a diferentes colectivos con problemas de accesibilidade.

Congreso de tecnoloxía e turismo

Por segundo ano consecutivo, o Congreso Internacional de Tecnoloxía e Turismo para a Diversidade, organizado pola Fundación ONCE, terá lugar no Palacio de Feiras e Congresos da capital malagueña. Nesta terceira edición mostrará como a tecnoloxía, os destinos turísticos intelixentes, os produtos e servizos melloran a vida de todas as persoas.

O Congreso de Tecnoloxía e Turismo estará aberto a propostas relacionadas coas Tecnoloxías e Servizos de Acceso á Información e a Comunicación, a interacción persoa máquina, o fogar dixital e a vida independente, a robótica para a autonomía persoal, as "smart city", a realidade aumentada, o turismo para todas as persoas, a accesibilidade nos seus distintos aspectos e as regulacións e normas relativas ao turismo.

Expón unha gran diversidade de temas, materias e proxectos de toda índole no campo da tecnoloxía e o turismo para favorecer a integración e inclusión das persoas con discapacidade.

O seu obxectivo é mostrar o que a tecnoloxía, os destinos turísticos intelixentes, os produtos ou servizos poden facer polas persoas. "As persoas, os dereitos, a innovación e os produtos e servizos que se ofrecen son elementos que se deben ter en conta neste século XXI para poder atender as necesidades individuais dentro dunha oferta global".

Máis información sobre TTD-Congress 2019.

Blog Xente Dixital

Como aumentar a túa visibilidade en Instagram

Ven 30 Nov

Aínda que as redes sociais naceron orixinariamente para relacionarnos entre nós, é un lugar no que se pode sacar moito rédito empresarial se sabemos como explotalas de maneira adecuada para os nosos intereses. Instagram é unha das redes máis populares na actualidade, polo que estar presente nela é...

LER MAIS

Tres alternativas gratuitas a YouTube para ver contidos orixinais

Mar 06 Nov

Cando falamos de creadores audiovisuais é habitual pensar en directores de cinema ou guionistas que levaron as súas obras a algún gran formato adaptado ao gran público. Pero con Internet o termo de creador audiovisual expandiuse, describindo tamén aos famosos  youtubers, que crean e producen...

LER MAIS

Un tipo de letra para recordar mellor o que les

Mar 09 Out

Ao ler algo que necesitamos memorizar, é habitual que poñamos o “piloto automático” e acabemos lendo todo sen realmente memorizar nada. É algo que ocorre a miúdo cando a lectura é obrigada e a única solución ata agora era poñer máis interese no que estamos a ler. E dicimos ata agora porque un...

LER MAIS