main content

main content

Axenda Faite Dixit@l

Propoñémosche unha selección de eventos no eido da inclusión dixital. Consúltaos e participa naqueles que se axusten aos teus gustos e necesidades!

14/10/2016 18:30
Startup Weekend EDU GALICIA
Lugar: Centro Abanca Obra Social - Santiago de Compostela Praza de Cervantes s/n Santiago de Compostela

Startup Weekend EDU GALICIA

Do 14 ao 16 de Outubro, terá lugar en Santiago de Compostela uno dos eventos para emprendedores máis estendidos por todo o mundo, con presenza en máis de 130 países: Startup Weekend.

Se tes unha idea de negocio e queres levala a cabo... ou simplemente queres participar en algo grande, aprender e facer networking... este é o teu lugar!

SWEDU Galicia organízano persoas vinculadas ao mundo da educación, a tecnoloxía e o emprendemento, e faise en colaboración con Startup Galicia. O obxectivo é identificar e propor solucións aos retos da educación de hoxe en día.

Os equipos que se formen traballarán xuntos durante 54 horas para crear ferramentas de base tecnolóxica enfocadas a resolver un problema concreto na educación ou entre os estudantes de calquera nivel educativo.

02/10/2016
Cartel do premio
Lugar: Online

Premio ao Mellor Proxecto Universitario con Licenza Libre (IX Edición)

O Premio ao Mellor Proxecto Universitario con Licenza Libre ten como meta o fomento e o achegamento dos universitarios galegos ao software libre, incrementando o coñecemento que estes teñan sobre este tipo de tecnoloxías e en consecuencia abríndolles as portas a novas posibilidades de emprego de calidade relacionado coas tecnoloxías da información e da comunicación.

01/10/2016
Lugar: Palacio de Congresos, Santiago de Compostela

Maker Faire Galicia 2016

Maker Faire é a maior feira de inventores do mundo, un escaparate para a creatividade e o enxeño pensado para todos os públicos e disciplinas: gastronomía, robótica, mecánica, ciencia, arte urbana, música, electrónica, artesanía, etc.

Un lugar para compartir coñecemento, descubrir proxectos fascinantes e facer contactos profesionais.

30/09/2016
Cartel de "Connecting for Good Galicia"
Lugar: Online

I Edición ‘Vodafone Connecting for Good Galicia’

A iniciativa ‘Vodafone Connecting for Good Galicia’, promovida pola Fundación Vodafone España, ten como finalidade apoiar a emprendedores e PEMES de recente creación cuxos proxectos de negocio contribúan á innovación social a través do impulso e uso das tecnoloxías da información e a comunicación en Galicia.

Nesta convocatoria, que conta co apoio da Xunta de Galicia, seleccionaranse os seis mellores proxectos de emprendemento que pasarán a formar parte do Programa ‘Vodafone Connecting for Good Galicia’ e desfrutarán dun lugar de traballo no espazo ‘Vodafone Connecting for Good’ na Cidade da Cultura de Santiago de Compostela.

Os seis proxectos seleccionados poderán beneficiarse de:

  • Formación: durante a fase de academia, que terá unha duración de alomenos seis meses, impartiranse sesións de formación sobre modelo e plan de negocio.
  • Mentoring: asesoría experta en temas de comunicación, vendas, negocio, e accesibilidade para o desenvolvemento dun plan personalizado para cada proxecto.
  • Patrocinio: dotación de 2.000€ para a posta en marcha dos seis proxectos de emprendemento.
  • Cheque RRHH: acceso a una axuda para a formación e contratación dunha persoa con discapacidade que se incorpore ao equipo de traballo dos proxectos seleccionados.

Por outro lado, tamén poderán optar a:

  • Axuda de 25.000 euros ao mellor dos seis proxectos para a súa execución e posta en marcha.
  • Premio “Conectados pola Accesibilidade” cunha dotación de 10.000€ ao proxecto que mellor incorpore os principios de accesibilidade universal.

O prazo para a presentación de proxectos comeza o 5 de setembro de 2016 e remata o 30 de setembro de 2016.

Para presentar a candidatura débese completar o formulario que se mostra a continuación e envialo cumplimentado a infofve@corp.vodafone.es

Arquivos relacionados:

Blog Xente Dixital

Como aumentar a túa visibilidade en Instagram

Ven 30 Nov

Aínda que as redes sociais naceron orixinariamente para relacionarnos entre nós, é un lugar no que se pode sacar moito rédito empresarial se sabemos como explotalas de maneira adecuada para os nosos intereses. Instagram é unha das redes máis populares na actualidade, polo que estar...

LER MAIS

Tres alternativas gratuitas a YouTube para ver contidos orixinais

Mar 06 Nov

Cando falamos de creadores audiovisuais é habitual pensar en directores de cinema ou guionistas que levaron as súas obras a algún gran formato adaptado ao gran público. Pero con Internet o termo de creador audiovisual expandiuse, describindo tamén aos famosos  youtubers, que crean e...

LER MAIS

Un tipo de letra para recordar mellor o que les

Mar 09 Out

Ao ler algo que necesitamos memorizar, é habitual que poñamos o “piloto automático” e acabemos lendo todo sen realmente memorizar nada. É algo que ocorre a miúdo cando a lectura é obrigada e a única solución ata agora era poñer máis interese no que estamos a ler. E dicimos ata agora...

LER MAIS