main content

main content
15/10/201808:10
Cartel das xornadas.
Santiago de Compostela

A Amtega pon en marcha unha nova edición das xornadas “Faite dixit@l” para coñecer a nova sede electrónica da Xunta de Galicia

  • Está dirixida aos responsables das aulas CeMIT e aliados dixitais, así como o persoal dos concellos e calquera outra persoa usuaria interesada
  • O ciclo coincide co sétimo aniversario da entrada en funcionamento da sede electrónica da Xunta, que se renovaba recentemente

 

A Axencia para a Modernización Tecnolóxica de Galicia (Amtega) pon en marcha durante os meses de outubro e novembro as Xornadas prácticas “Faite Dixit@l e tramita nun clic. Coñece a nova sede electrónica da Xunta de Galicia” nas catro provincias galegas .

A sede electrónica entrou en funcionamento hai xusto sete anos e recentemente púxose en marcha una nova versión máis sinxela e accesible, enfocada ás necesidades e prioridades do usuario. A nova sede está adaptada a un mellor uso desde dispositivos móbiles e con posibilidades de personalización en función do tipo de colectivo e incorpora contidos por campañas.

Para facilitar o labor de acompañamento e formación á cidadanía dos responsables das aulas CeMIT e dos aliados dixitais do Plan de inclusión Dixital de Galicia, a Amtega ofrece esta formación, que se abre tamén ao persoal dos concellos galegos e calquera outro usuario interesado. Nas xornadas abordaranse os seguintes contidos:

  • Os sistemas de identificación e sinatura electrónica: Certificados electrónicos e Chave365.
  • A Sede electrónica da Xunta de Galicia: A nova interface e a xestión dos trámites dispoñibles e requirimentos técnicos para o seu uso.
  • Notifica.Gal: Trámites dispoñibles e requirimentos técnicos para o seu uso.
  • Outros sistemas de administración electrónica.

Cos coñecementos adquiridos, posteriormente organizaranse na Rede CeMIT actividades formativas para espertar o interese e reforzar a confianza das persoas no uso dos servizos públicos dixitais.

Adicionalmente, porase a disposición de todos os participantes os contidos formativos tratados nas xornadas a través da plataforma de teleformación EMA.

 

Inscrición e datas

As persoas interesadas en adquirir coñecementos en Administración Electrónica e en organizar actividades formativas sobre esta temática na rede de aulas CeMIT poderán inscribirse gratuitamente cubrindo un formulario accesible na web da Rede CeMIT: https://cemit.xunta.gal/frm_xornadas_sede.

Durante outubro e novembro, realizaranse as 4 xornadas “Faite Dixit@l e tramita nun clic. Coñece a nova sede electrónica da Xunta de Galicia” en horario de 10:00 a 14:00:

  • 23/10/2018 na Aula de informática da Delegación Territorial de Ourense
  • 25/10/2018 na Aula de informática da Delegación Territorial de Lugo 
  • 13/11/2018 na Aula de informática da Delegación Territorial da Coruña
  • 13/11/2018 na Aula de informática da Delegación Territorial de Vigo.

 

Avances na Administración dixital

O sistema de indicadores do Plan de Goberno e Administración Dixital de Galicia 2020, elaborado pola Amtega, pon de manifesto a importante evolución no uso e implantación dos diferentes servizos dixitais. Entre xaneiro e xuño de 2018, o 53% das xestións rexistradas pola Administración autonómica se presentaron online, a través da sede electrónica da Xunta ou das oficinas virtuais. No mesmo período de 2017, o porcentaxe de presentacións a través de Internet foi do 44%.

Co fin de achegar as vantaxes da xestión online a todo o mundo, no marco do Plan formativo sobre o uso dos servizos dixitais da Amtega está previsto que ao longo deste ano se realicen máis de 3.800 horas de formación gratuíta distribuídas en 480 actividades tanto presenciais, nas 98 aulas da Rede CeMIT, como online, a través da plataforma de teleformación EMA.

Ata setembro de 2018 xa se levan impartidas máis 300 actividades formativas na Rede CeMIT de forma presencial e online, con máis de 2.100 horas de formación nas que participaron máis de 1.000 empresas, entidades e cidadáns.

Blog Xente Dixital

Como aumentar a túa visibilidade en Instagram

Ven 30 Nov

Aínda que as redes sociais naceron orixinariamente para relacionarnos entre nós, é un lugar no que se pode sacar moito rédito empresarial se sabemos como explotalas de maneira adecuada para os nosos intereses. Instagram é unha das redes máis populares na actualidade, polo que estar presente nela é...

LER MAIS

Tres alternativas gratuitas a YouTube para ver contidos orixinais

Mar 06 Nov

Cando falamos de creadores audiovisuais é habitual pensar en directores de cinema ou guionistas que levaron as súas obras a algún gran formato adaptado ao gran público. Pero con Internet o termo de creador audiovisual expandiuse, describindo tamén aos famosos  youtubers, que crean e producen...

LER MAIS

Un tipo de letra para recordar mellor o que les

Mar 09 Out

Ao ler algo que necesitamos memorizar, é habitual que poñamos o “piloto automático” e acabemos lendo todo sen realmente memorizar nada. É algo que ocorre a miúdo cando a lectura é obrigada e a única solución ata agora era poñer máis interese no que estamos a ler. E dicimos ata agora porque un...

LER MAIS